周麗淇由拍電影到拍劇，又晉身歌手行列，是非緋聞一日比一日多，她聲言真金不怕洪爐火，不會因不利新聞而被嚇倒，反而更加鼓勵自己前進。狗年來臨，周麗淇學插花送給公司同事，祝各人花開富貴。
去年才加入歌手行列的周麗淇（Niki），排山倒海的是非緋聞衝着她而來，先與關心妍傳不和，接着與吳卓羲傳緋聞，Niki真金不怕洪爐火，更謂因為這些衝擊，令她與唱片公司仝人更加團結。
盼星途璀璨
新一年來臨，為了答謝唱片公司幕前幕後同事的支持和鼓勵，Niki日前到花墟選購鮮花，又學插花。Niki說：「唱片公司上上下下嘅同事都必定會返公司，如果一人一份禮物，又驚買唔啱同事心水，所以就諗住去學插兩盆花，可以放喺公司，大家醒醒神神，個個都花開富貴。而歌手朋友嘅演藝事業就好似花咁開得璀璨，做嘢都起勁啲。平時歌迷送畀我嘅花，我都唔會即刻丟㗎，會插起佢。雖然冇學過插花，每次都係憑自己感覺，同埋由高至矮咁插囉！但係今次要送畀同事，所以要認真啲。」
送禮冧老闆
Niki已相約唱片公司的歌手到老闆羅傑承屋企拜年，而且一早計劃送甚麼禮物，她說：「送普通糖果太普通喎，不如就買日本百貨公司賣嘅雜餅，一盒好多款，好多種味道，我好鍾意食，如果老闆唔鍾意，回禮時回畀其他人，我一定第一個出聲，不如回番畀我啦！」
採訪：RachelWong
攝影：MatthewLam
場地提供：花墟道櫻花店
化妝：NaviLam
髮型：CorenChangofHair
服裝：Marijuana
