利嘉兒去年與港台DJ周國豐結婚，今年第一年派利是，她日前表示會響應高官呼籲以舊銀紙封利是，她說：「其實收利是同派利是都係講意頭，所以只要銀紙唔係太舊就得。」
送蘋果祝平安
新年前已有不少朋友表示會向利嘉兒𢭃利是，她說：「呢排特別旺人緣，我都𢭃咗好多年利是，𠵱家有資格咪派番畀人。派利是都係開心錢，我都準備咗大約五位數字利是錢。」
利嘉兒還表示會抽時間去親友家拜年，她日前就到銅鑼灣選購生果做禮物，利嘉兒說：「日本嘅溫室蘋果好好味，加上新年食太多油膩食物同糖果，食生果健康啲，蘋果又有平平安安嘅諧音，呢啲蘋果表皮又刻咗吉祥字，好有意思，而且重有黃色果皮嘅金蘋果新品種，幾好意頭。」
採訪、攝影：比華利