渴望今年置業的陳煒，與徐姓杭州富商拍拖接近一年，日前她接受訪問時，聲稱雙方感情穩定，雖然兩人聚少離多，但今年她會與男友拍拖出埠度歲，甜蜜一番。
陳煒去年八月被揭與徐姓杭州富商拍拖，對方從事房地產生意，家底豐厚，當時兩人被踢爆開房短敍，事後她更承認雙方見過家長。可是日前陳煒接受訪問，聲稱與男友一個月也見不到一次面，換言之兩人拍拖至今一年，見面只約十二次，看來他們的感情發展速度十分驚人。
努力搵錢
當日問陳煒會否考慮閃電結婚做狗年新娘？她說：「我一個月都未必見到佢一次，唔會閃電結婚，搵多幾年錢先啦，𠵱家都穩定嘅。唔好咁懶啦，以前喺電視台做嘢太被動，乜都由人哋安排好晒，今年要努力啲。」
正因兩口子太少見面，加上陳煒剛離亞視，所以她今年決定與男友拍拖出埠，過一個浪漫新年，她說：「我喺亞視九年，九年嚟嘅每個年初一都要做賀年節目，所以想放假，去邊度都冇所謂。」
四圍睇樓
除此之外，陳煒在狗年最希望做到的事情，就是榮升業主，她說：「近呢年我都係住酒店apartment，個市又咁，等樓市跌多啲先啦，又要睇自己鍾唔鍾意，過去一年我都四圍睇樓，但一路hold住，重未諗清楚。」
採訪：朱倬誼 攝影：陳慧安
髮型：Patrick@Hair 服裝：Morgan
場地：CafedesArtistes
