茶葉之中，普洱茶相信係大家飲得最多嘅品種之一。雲南作為中國普洱茶嘅主要產地，繼出現茶葉銀行後，今年五月亦將開設普洱茶儲備交易中心。聽講，該中心將設於雲南嘅元江。點解揀元江？因為當地嘅氣候終年炎熱，年均氣溫超過二十七攝氏度，海拔僅三百四十米，空氣中氧份充足，極之適合普洱茶嘅後發酵。舊年，雲南茶葉種植嘅面積達二百九十七萬畝，預計總產值達五十八億元人民幣。