大年初一唔少行業休息，開門嘅會少好多競爭，好似地產代理咁，年終無休嘅分行，先至可以做到年初一嘅客。
中原錢雅麗話，一個由英國回港度歲嘅投資客，喺狗年大年初一凌晨時分，落實買入沙田中心H座高層G室，而且重係一炮過，現兜兜畀晒錢。單位四百零五呎，成交價一百一十七萬，每呎二千八百八十九，夠晒好意頭，低市價九點七巴仙。原業主五年獲利六萬。
另外，世紀二十一奇豐李峻銘話，沙田愉田苑G座高層○三室，都喺大年初一易手，單位五百三十一呎，連補地價賣九十五萬，每呎一千七百八十九。聽講，買家當日返去向住公屋嘅父母拜年，見到分行有呢件筍盤，所以即刻買咗佢，打算第日收租。
原來有啲投資者同代理一樣，入市係年終無休嘅。