人稱「細路仔」嘅對沖基金TheChildren'sInvestmentTrust舊年因為大手買入領匯而聲名大噪，近日更獲對沖基金新聞資訊月報《EuroHedge》選為去年最佳對沖基金，真係名成利就。TCI個朵其實喺歐洲好響，去年5月佢發動股東起義，推翻德國證券交易所收購倫敦交易所嘅決定，迫到德交所主席及行政總裁請辭，震驚歐洲芬界。
其實要攞獎除咗夠出名，最緊要係睇回報。TCI管理50億美元（約390億港元）資產，去年回報率50%（04年40%），連行家都心服口服，因為現時競爭咁激烈，有咁嘅表現真係唔話得。
唔怪之得TCI一話掂親邊一隻港股，就點石成金兼嚇親唔少大股東；你睇吓新世界，彤叔咁沙膽都俾佢搞到手忙腳亂呢。