今個農曆年，對於郭太來說，並無一點喜慶氣氛，反而令她倍覺感觸，因為其夫於日前不幸肺癌病逝，去年夫婦與一對子女一同吃團年飯、外出拜年的情景，不斷在其腦海浮現。
「以前新年四個人出街、四個人返屋企，𠵱家冇咗佢喺身邊，真係好唔慣，個仔安慰我，佢話爸爸冇走到，重幫我喺電腦列印咗我同先生舊年聖誕節出街影嘅相出嚟。」郭太邊說邊掉淚，紅紅的鼻子已被紙巾擦得脫皮。
四十六歲的郭先生，煙酒不沾，惟前年底卻發現患上末期肺癌，由於癌細胞持續擴散，數月前醫生建議他自費嘗試服用一種新抗癌藥，惟因該藥費用昂貴，他無力負擔。去年十月蘋果日報慈善基金曾撥八千元緊金援助金給郭先生購藥，他服藥初期反應良好，惟至去年十二月病情突然急轉直下，並於二十八日不幸病逝。
善長捐輸逾三萬元
「佢過身前幾日，我連續四日通宵喺醫院陪佢，佢重識叫我唔好擔心，我以為佢可以撐得住，點知咁快就去咗，佢話最唔捨得一對仔女……」育有一對現年十二及十四歲子女的郭太說。
郭太表示，子女的情緒表面上並無異樣，但她擔心子女只是強裝堅強，故她已將此事告知校方，希望老師能夠多加留意他們。
另外，蘋果基金最近收到善長捐予郭家的善款合共三萬一千七百三十元，已交郭太簽收。「我好感謝大家幫我咁多忙，先生病咗呢一年幾以嚟，真係咩錢都用晒，呢筆錢我會留番畀仔女讀書用。」郭太表示，三母子現靠綜援金過活，她希望待過年後，心情平復過來，便會外出找工作，盡快脫離綜援網。
捐款編號：C1924
暖流熱線
電話：29908688
傳真：23702192
電郵：[email protected]
網址： http://www.charity.atnext.com