貓癡何韻詩飼養了三頭貓，早前好友因為外遊關係，將愛犬冰冰交給阿詩代為照顧。適逢今年是狗年，阿詩即親自下廚，為冰冰炮製健康狗餅。談到狗年願望，阿詩直言希望攞更多獎，誓向最受歡迎女歌手邁進！
何韻詩（阿詩）剛剛忙完出席各大樂壇頒獎禮，難得趁着農曆新年有幾天假期，不過她沒有選擇到外地避年，反而留在香港當保母，一來要照顧家中三隻愛貓，二來是因為家裏最近多了一位「客人」。
心思思養狗
事緣阿詩一位朋友最近外遊，將愛犬冰冰交託給阿詩代為照顧。由於家中已飼養了三頭貓，故阿詩起初亦擔心會發生大混戰，幸而三貓一狗相處融洽，阿詩更因而心思思想養狗。只是為免愛貓元老呷醋，阿詩惟有打消這個念頭。適逢今年是狗年，阿詩雖然未能一嘗做狗主人滋味，但她笑言狗年是狗權當道，故除了給冰冰派利是外，還親自下廚為牠炮製狗年大餐——健康狗餅。
材料要天然
日前阿詩來到銅鑼灣示範炮製新年狗餅，她表示狗餅的材料必須以天然、無防腐劑為主，包括麥皮、南瓜蓉、水及雞蛋，阿詩說：「今次係我第一次整狗餅，原來好易，只要將所有材料撈埋一齊、搓成一嚿，再切出餅乾嘅形狀，最後將佢哋放晒入焗爐，咁就搞掂，簡易得嚟又好健康。」談到去年的成績，阿詩自言十分滿意，又謂今年將繼續努力向最受歡迎女歌手的目標邁進，她說：「踏入狗年，我希望各方面都有進步，無論唱歌定做人都係，重希望可以攞更多獎啦！」
採訪：駱華齡 攝影：葉君海
髮型：JimmyWhite&[email protected]
化妝：KrisWong
場地提供：...@Dog
