張栢芝近日翻啅多名舊愛，除早前被發現訪謝霆鋒家外，年廿九晚又被發現與剛分手的老外Jeroen吃團年飯，然後再返回老外的跑馬地寓所過夜，昨日栢芝與陳小春出發到美國拉斯維加斯登台，不知她可會趁機翻啅小春？
昨日栢芝和小春分別由助手陪伴到機場，但等候辦理登機手續期間，二人並沒交談，小春戴上耳筒聽歌，栢芝則全程黑臉示人，有記者向她拜年時，她只是「啊」了一聲，十分冷淡，拿到登機證便馬上撇下大隊率先入閘。
賭場收大利是
問到小春可知栢芝為何心情不佳，他說：「我點知呀。」二人可有傾偈？小春說：「冇乜，我哋上到車各自瞌咗一陣，我哋都知拉斯維加斯有狗仔隊，但唔怕，我哋又唔係做啲乜嘢。」再問他往親友家拜年時可有發新年財？他苦笑：「我都有開局嘅。」
此外，每年都會隨中國星到賭城登台的栢芝，曾獲贈一封逾三千美元（約二萬三千港元）的大利是，她日前說：「當時我喺賭場玩，突然有一個男人走埋嚟畀咗封厚過雙層漢堡嘅利是我，不過我到𠵱家都唔知佢係乜嘢人。」
採訪、攝影：魯萍、藍文浩、陳俊強