側田早前被拍到除帽後頭髮稀疏的M字額，昨日他在西貢車公廟拜神，深受善信歡迎，側田表示事件未有影響其心情，還稱多了作曲靈感，故會作首歌給緋聞女友林苑。
黃柏高昨日率領金牌公司旗下藝人包括側田、梁漢文、傅穎（Theresa）、楊愛謹（Miki）和雷頌德等往西貢車公廟拜神，現場所見，以側田最受善信歡迎，不停爭相與他合照。
「幕前嘅代價」
早前側田被雜誌拍下在家除帽露出M字額，此事似無損他祈福的心情，昨日他向一眾善信拜年，問側田是否趁機拜神轉運遠離是非？他說：「自己以往冇拜神，今年都係第一次，幾好，可以攞個意頭。」經過被偷拍一事，側田透露心情沒有受影響，反而是一個啟發，側田說：「因為多咗好多靈感喺作曲方面，我諗嘢一直都好正面，全場都咁支持我係一件好事，我寧願犧牲，如果覺得係壞事嘅，第二個禮拜都會發生喺第二個人身上。」
有傳側田有意退居幕後，他說：「之前係諗過做完演唱會後，做番幾個月監製工作，我鍾意唱歌，亦都enjoy唱歌，呢個係跳出做幕前嘅代價。」
問到今次事件可有影響他與林苑的感情？側田說：「大家係朋友，大家都支持大家，我都有諗作歌畀佢。」問他會否搞噱頭，邀請對方做演唱會嘉賓？側田說：「我成個騷都好有gimmick。」那麼會否破戒除帽呢？側田笑說：「亦都會係一個gimmick嘅！」
另外，Miki被問到其餐廳在過年前拖欠員工薪金一事，她昨日說：「根本冇咁嘅事，後尾問番被炒同已離職嘅員工，佢哋都話冇講過，只係謠言啫，而且餐廳生意都幾好。」
千嬅吸桃花運
此外，張學友昨日接受商台電話訪問時表示有聽過側田唱歌，但就覺得側田的新聞犀利過唱歌。學友更笑言生仔一事已經金盆洗手，他和太太羅美薇已有共識不會再追個兒子。而楊千嬅日前接受商台訪問時透露在家有擺桃花的習慣，她說：「人哋要轉圈，我就扮吸塵吸啲花瓣囉！」
採訪：馮美茵 攝影：陳志嵐
