名人派
嗜辣孖仔Soler
「雖然我哋兩個好食得辣，不過都試過有一次遇到一碗勁辣嘅地獄拉麵，點都食唔落。至於我哋嘅解辣妙方係飲熱茶同酸奶。」
靚女煮理人兼食神主持袁彩雲
「飲紫背天葵煲嘅水或齋飲熱水都可以解辣㗎！」
多間食店老闆娘寇鴻萍
「我有一次都試過食辣食到標眼水呀！當時啱啱有一杯雪糕喺我面前，我就即刻用嚟降溫解辣，好work喎！但若果身邊無雪糕，可以含一粒砂糖或者食啲甜嘢，我想應該有幫助嘅。」
食神精靈主持張美妮
「之前我有做過一個節目係講點樣解辣嘅，好似用鮮奶解辣都得嗰喎！」
名廚派
東來順總廚陳國強師傅
想即時解辣？可以選擇食砂糖或呷一口醋，但其實胃部可能已屯積咗一層辣油，如果想之後去洗手間舒服啲，可以喺食辣之後食一杯番茄汁……雖然呢個辦法阿Q啲，但都幾有效㗎！」
煤氣烹飪中心家政主任梁嘉莉
從科學嘅角度嚟睇，可即時飲一杯熱水，因為熱水可以令味蕾張開，同時沖走味蕾表面上刺辣嘅物質。另外，我都覺得食糖都能夠即時解辣㗎！」
四姐川菜主廚黃師傅
食到辣菜嘅時候，可以將食物蘸醋一齊吃，但我有時候見到啲客會拎鮮奶解辣，得唔得我就真係未試過喇！」
雲陽閣主廚蕭師傅
「可以用四川嘅紫背天葵、檸檬同山楂煲水嚟解辣，呢啲都係當地人嘅獨門解辣方法嚟㗎！」
