任賢齊今年的農曆年與以往不同，因為已為人父的他，家中多了囡囡共同度過這農曆年，雖然只得數天假期，他都感到相當滿足。以往小齊派利是居多，今年則有囡囡𢭃利是，他會如何處理囡囡的利是呢？
保管囡囡利是
小齊笑說：「我覺得大人都係呃啲小朋友嘅，我爸爸以前都話幫我儲住啲利是，但最後都係冇晒嘅。我諗我會幫囡囡儲起佢啦，等佢大個畀返佢，不過如果爸爸唔掂嘅時候，可能都會借嚟用。」
小齊早前到內地工作，買了一些小煙花玩，他說：「以前細個喺台灣都好鍾意玩煙花，重要係好勁火藥嗰啲，試過隔住條河同對面村嘅人鬥，好似打仗咁，戴晒頭盔玩㗎。不過試過有一次炸親隻手，搞到隻手瘀瘀黑黑，之後就冇玩得咁癲啦。」
採訪：胡比 攝影：仇志德