鄺美雲（Cally）自認天生購物狂，對紅彤彤的物品更是情有獨鍾，不少會留待過年時用，一如旗袍甚至愛犬Cash的狗仔衫及毛氈等。
美國行大運
Cally表示早前陪家人到北京旅遊，買了一個水晶大元寶回家作擺設，也訂做了多套中式旗袍，她笑說：「我好鍾意買嘢，有時啲嘢唔啱用，但我又覺得好靚嘅話，都會買嚟送畀朋友，大家開心，我又成日買過年嘢，凡係見到紅色嘅嘢，就諗住買嚟留番過年用，過年最緊要氣氛嘛，我年頭買到年尾㗎，《最愛女人購物狂》套戲應該搵我拍就啱，哈哈，不過我都係買小物品，唔會亂買貴嘢嘅。」
Cally不但買東西給自己，愛犬Cash當然亦會受惠，她早前在北京便將自己的舊衣服，拿去找裁縫依尺碼為Cash做賀年新衫，不過Cally今年與Cash就不能一起過年，因她已和友人到拉斯維加斯旅行，Cally說：「我出埠行個大運返嚟，如果小賭有收穫，就包封大利是畀Cash囉。」
採訪：蔡如玉 攝影：陳慧安
