陳慧琳（Kelly）今個農曆新年偕男友歐遊兩星期，她日前接受電台訪問時，自爆男友的母親曾向她迫婚，更欲與Kelly父母傾談婚禮細節。未來奶奶如此積極，Kelly大有機會做個狗新娘呢！
陳慧琳在眾多節日當中，最盼望就是春節的來臨，因為每年的農曆新年她都有兩星期的長假期，她計劃偕男友歐遊，不過她擔心被狗仔隊跟蹤，所以不願透露去歐洲哪一個國家。
男友冇投訴
近年經常在內地工作、與男友聚少離多的Kelly，日前接受商台訪問，被問到男友有否向她投訴？Kelly說：「唔會，佢都好忙，成日都要做嘢，咁我哋兩個都對大家好有信心。」問到何時結婚？Kelly說：「未有咁快，不過男朋友媽咪就試過向我求婚，男朋友都未試過，佢媽咪喺今年一月一號打畀我話『唔得啦，我真係要搵你爸爸媽媽出嚟傾吓。』又試過叫我唔好再攞啲乜嘢傑青，佢話如果我再攞，就唔會捨得結婚，好搞笑，都唔知我男朋友係咪同佢媽咪夾埋。」
農曆新年前，Kelly已託經理人鍾珍為她換一批新鈔票來封利是，因為這幾年她都有派利是給員工和小朋友，Kelly說：「利是我會封畀同我做嘢嘅人，但長輩派利是畀我，我一樣會收，因為新年收利是係一種意頭，我每年派利是嘅錢都有五位數字，唔會太慳。」
下月會長今
下月二十五日，Kelly會到上海為李英愛的慈善演唱會擔任表演嘉賓，自從她為對方主演的韓劇《大長今》唱過港版主題曲《希望》後，不少中港台的表演都想安排她倆一起演出，可惜一直遷就不到，直至下月才有機會同台演出。Kelly非常期待這天來臨，因她好喜歡看《大》劇，對李英愛的印象很不錯。
採訪：陳月媚
攝影：仇志德
場地提供：閣金酒家
