1.乾辣椒
在中國四川、湖南等地出產的乾辣椒，為中國椒中之最，唔好睇佢椒仔細細又乾爭爭，賣相一啲都唔討好，原來非常有霸氣。唔想咁易遭殃的話，就要避開它的籽同唔好直接咬佢落口！
2.花椒
同樣是來自四川的花椒是麻辣菜中的主腦椒。就係因為佢，我哋條脷先至會被麻到無晒感覺，但亦都是因為它能散發又酸且麻的香味同口感，我們才對它又愛又恨。
3.泡椒
經醃製過的泡椒，味道酸酸哋、鹹鹹哋，只係靠個樣嚇人。以燈籠身形登場的它，主力是要製造出香辣且鮮甜的效果。
4.野生椒
一般在港可買到的野生椒通常都以樽裝發售，可在雜貨店購買。以醋浸住入玻璃樽的它，辣度相對地減輕了，反而帶出新鮮清爽的椒味。
5.豆瓣醬
四川出產的醬料，是以醃製過的辣椒、蠶豆所製成，帶有少辣的它主要是在烹調中產生惹味的效果。
