無綫和亞視昨日分別舉行團拜，汪明荃（阿姐）一身鮮紅色裝扮旺場，最後鴻運當頭贏得金犬，另外她又走到六叔邵逸夫面前詐嬌問「我靚唔靚」，六叔即大讚她漂亮，逗得她笑到見牙唔見眼。
昨日是大年初一，一眾無綫藝員在將軍澳電視廣播城演出直播節目《靈犬獻瑞賀新禧》，跟廣大巿民拜年，藝員又排隊向無綫行政主席邵逸夫爵士𢭃取二十元開工利是，現場觀眾亦永不落空，獲財神派發二元一封的利是。
派好旺利是
汪明荃甫見六叔，即跟六叔拜年，還風騷地問六叔：「我靚唔靚呀？」六叔精神奕奕地回答：「好似舊年咁靚。」𠱁得阿姐笑笑口地說：「我都祝你身體健康。」稍後阿姐走到觀眾席𢭃利是，由於節目即將直播，令她無法走遍全場，不過阿姐鴻運當頭，在節目中贏得大獎，拿走價值五千四百元的金犬以及二千元大利是。及後阿姐又大派二十元開工利是，她說：「新一年第一個節目，抽到金犬係好意頭。」
而無綫愛將阿旺郭晉安以及人氣急升的阿好湯盈盈分別將印有阿好和阿旺嘜頭的賀年卡和公仔送給六叔，及後又手拖手表演，兼派發阿旺阿好自家利是。盈盈派二十元開工利是，她說：「第一年派開工利是，同埋𢭃六叔封利是，重𢭃咗兩封，心情好興奮。」而阿旺則派發五十元大利是，還被利孝和夫人點名要求合照留念。
家英打對台
此外，張文慈、麥家琪和陳啟泰等亞視藝員昨日在亞視總台演出《祥祥狗狗賀新歲》，其中張文慈抽得金犬。羅家英昨日亦有出席活動，更笑言與阿姐「一人一台」，各有各做。他透露今日將與阿姐到日本九州旅行，問他是否請阿姐旅行，他說：「請阿姐去唔使喇，我哋各有各畀。」
而亞視找來樓南光和劉錫賢扮財神向藝員派一百元利是，藝員一見財神，即蜂擁而上，令樓南光不慎絆倒，幸好未有損傷。而亞視營運總裁余統浩又向亞視員工派喜訊，表示今年全台員工將獲加薪百分之二。
採訪：王崇穎、卓寶花
攝影：何國豪、仇志德
