科技發達，拜年都跟隨時代有新形式，八方大年初一朝早，已收到大班鄭經翰傳來手機短訊拜年，大班話以「短訊代酒」，向一眾老友送上祝福，身為九龍東立法會議員，大班噚日一早就去黃大仙拜神，佢話年初一去黃大仙拜神，係阿媽教落嘅傳統，𠵱家就帶埋老婆同幾個仔去黃大仙，拜完神就去外母處拜年，「要做畀啲細路睇，中國人傳統同尊重長輩好重要。」
泛聯盟石禮謙同民建聯蔡素玉，噚日亦以短訊向老友拜年，佢哋老友多，逐個打電話，隨時到正月十五都未打完，民建聯副主席葉國謙則祝朋友「地久天長，長長久久」，有人以為係情人節短訊，望真啲係葉國謙嘅，有啲失望喎。
傳真︰2623-9278
電郵︰[email protected]