徐小鳳在大年初一於美國賭城開騷，昨日表演時獲兩位賭場外籍猛男上台獻花兼輕吻面頰，還有遠在台灣的秦祥林捧場。在賭城掘金的小鳳姐又說：「贏咗（錢）好走啦」，認真倒米。 拉斯維加斯直擊
徐小鳳新年期間到美國登台𢱑銀，於美國西岸時間年廿九晚八時（即香港時間大年初一凌晨）在拉斯維加斯MGM酒店展開首場演唱會，門票由美金八十元（約六百二十港元）至一百八十元（約一千四百港元）不等。
衝上台跳舞
現場所見，演唱會入座率接近九成，前來捧場者以上年紀的美加華僑居多，也有不少人專程由港台兩地前來，如詹培忠和秦祥林便是。
詹培忠坐在前排最貴門票位置，秦祥林卻坐在最平山頂位，當小鳳姐邀請觀眾上台跳舞時，秦祥林終按捺不住衝上台與幾位現場觀眾在台上大跳chacha和tango娛賓助興。
收花放裙尾
是次小鳳姐共換了四套衣服，包括經典波波裙和充滿新年氣氛的改良旗袍。當小鳳姐獻唱時，MGM兩位外籍男高層上台獻花，然後禮貌地輕吻小鳳姐面頰，沒料到小鳳姐說：「冇辦法㗎啦，去到人哋嘅地方，俾人抽吓水係難免，其實人哋都係禮貌啫！」小鳳姐又着對方把花束放在自己裙襬上拖着來唱歌。
及後小鳳姐又說：「我讀得書少，英文只識A至Z！大家流緊中國人嘅血，但希望你哋𠵱家係使緊MGM嘅錢啦！我對你哋有千言萬語，但最緊要都係嗰句：『贏咗（錢）好走啦！』」十分搞笑。
記者：黃文偉
