古巨基、溫碧霞、洪欣及王從希等前晚在屯門市廣場出席「金碧輝皇迎旺年除夕倒數派對」，與數十名市民一同迎接狗年，三位靚女各自穿上性感服飾登場，尤以溫碧霞最為性感，穿上露膊高衩長裙的她，搖身變成風騷公主；洪欣是穿露肩和服的日本皇妃，王從希則扮印度西施。
遇封路遲到
古巨基扮成皇帝坐在龍椅上，由外籍性感女模餵吃雞髀，基仔吃了一口即說：「你隻雞好好味呀，重好滑㖭！」之後女模送上一隻貴婦狗，小狗金熱情地撲在基仔身上，又不停舔他的臉，基仔招架不住整個人躺下，十分搞笑，基仔笑說：「可能我食完雞髀，佢聞到味。我唔怕狗，但佢舔到我有啲驚，舔勻我兩片朱唇。」
基仔前晚遲了十分鐘，他解釋說：「我之前喺銅鑼灣整頭，點知走時遇到封路，我要行好遠先上到車，等車時重有好多市民不停搵我影相簽名，所以遲咗。」
採訪、攝影：胡比
