小朋友最愛過新年，最大原因莫過於可以𢭃利是和吃糖果，七歲的廣美亦不例外，可是，廣美與母親馬蘇行在港舉目無親，令廣美與利是「無緣」。
「佢呢幾日都有扭計，叫我買件衫畀佢過年，又話要買糖，不過我都冇應承佢，以前先生喺度，新年都會去行花市買吓嘢，𠵱家佢唔喺度，過年好似已經冇咩意義。」三十三歲的馬女士說。
女兒第一次收禮物
記者日前特別購買一盒廣美愛吃的朱古力、毛公仔和一些麥當勞現金券送給她，廣美見到這些禮物，顯得十分驚喜，笑嘻嘻地說：「估唔到收到咁多禮物。」
馬女士見到女兒喜孜孜模樣，不禁眼眶一紅：「有你哋關心，我都安慰啲。見到囡囡開心，我就開心，佢咁大個女都係第一次有人送嘢畀佢。」
母遲遲未獲單程證
馬女士的六十二歲港人丈夫勞勁喜，去年五月肺癌病逝，兩母女從此失去依靠。蘋果日報慈善基金早前曾撥款二萬元給她度過難關，其後她再獲善長捐款二萬餘元，這段時間母女便靠捐款維持生活。
由於女兒廣美早年已取得身分證，但馬女士的單程證仍有待內地審批，以致她遲遲未能與女兒在港落地生根，暫時只能持雙程證留港，以數百元租住唐樓一個床位，過着非人生活。
農曆年返廣州度歲
「我新年會返廣州同妹妹過年，六月再返嚟香港同囡囡搞小一入學手續，希望我遲啲可以正式落腳，喺香港搵份工做。」馬女士道出她最大的新年願望。
捐款編號：C1699
服務熱線
電話：29908288
傳真：23702192
電郵：[email protected]