古天樂和容祖兒（Joey）雖然沒有正式合作過，但他們早前應本報邀請一起拍攝賀年相時，嗜吃甜品的古天樂逐一介紹賀年糕點給祖兒認識，表現得十分投契，二人更同聲祝賀《蘋果》讀者萬事如意。
古天樂和容祖兒在大年初一齊向讀者拜年，祝願大家在新一年有個好開始。古仔每逢新春佳節例必陪伴雙親，他說：「屋企得我同細佬兩個，大時大節都會一齊陪爸爸媽媽，我哋屋企習俗除夕晚同年初一朝早都要拜祖先，我係長子嫡孫，更加唔可以缺席。重有一樣嘢係每年必做嘅，就係年初二陪爸爸去水塘放生鯉魚，為父母積福積壽，希望佢哋長命百歲。」
初遊泰國
Joey則謂最喜歡過農曆新年，她說：「由年頭忙到年尾，就只有新年可以有幾日假放，所以我最鍾意過年，今年打算去泰國玩，聽人講過好多次話泰國好好玩，但我咁大個女都未去過。」
接拍新片
連續三年奪得無綫《勁歌》最受歡迎女歌星獎的Joey，不想給自己太大壓力，至於來年能否奪四連霸，亦一切隨緣，反而踏入新一年最令她感興奮的，是接拍了爾冬陞（小寶）執導的新片《獸醫醫生》。
Joey說：「好開心能夠同小寶合作，以前睇過小寶嘅《新不了情》，就已經好期待同佢一齊拍戲，希望小寶啟發到我嘅演戲潛能。」
採訪：陳月媚 攝影：陳偉權
場地：夜上海
