每逢佳節，總會勾起李國雄對亡夫的思念。「過時過節，見到人哋一家大細高高興興，自己就得兩仔乸孤伶伶，個心梗係難受，不過，今日我好開心，有你哋嚟探我，重有咁多禮物。」李女士對記者說。
謝善長屢施援手
四十一歲的李女士，丈夫於○三年初因肺癌病逝，她從此要身兼父職，照顧現年只有兩歲半兒子瑞仔。
這段日子，李女士經歷很多不如意事，經濟問題又壓得她透不過氣來，猶幸得到《蘋果日報》善長援手，一次又一次助她跨越難關。
原居於內地的李女士稱︰「當年老公死咗，我剛批單程證嚟香港，冇人冇物，社會福利署又唔肯發綜援畀我，嗰時好彩得蘋果基金同讀者幫我；直到最近，我搬屋要裝鋁窗，又係得你哋資助，如果唔係我根本搞唔掂，所以我好感激蘋果日報對我兩母子嘅關懷。」
盼兒子快高長大
李女士與瑞仔如今獲發綜援金，生活總算安定下來，惟生活費僅足應付三餐，即使新年，兩母子也無錢購買一些賀年食品。
蘋果日報慈善基金日前特別於「賀歲禮物包」專戶撥款，給他們送上一個新春福袋，為孤寡增添一點節日氣氛。
「嘩，包冬菇好靚喎！重有咁多糖果、雜餅，好多謝。」李女士接過福袋後，連聲道謝。
記者問李女士，狗年有甚麼願望？這位慈母不假思索回答︰「我最希望瑞仔身體健康，快高長大，佢今年九月讀幼稚園啦，希望佢讀書聰明伶俐。」
另外，李女士亦衷心祝願《蘋果日報》讀者新年快樂，萬事勝意。
捐款編號：C1502
暖流熱線
電話：29908688
傳真：23702192
電郵：[email protected]
網址： http://www.charity.atnext.com