傅明憲（Gigi）養有五隻北京狗，早前她率領穿上新年服的五隻愛犬，帶同給狗吃的pizza到愛護動物協會探望待領養的狗仔。踏入狗年，相信不少人想養一隻狗迎潮流，Gigi呼籲大家要三思而後行，因為養寵物是十多年的計劃，要貫徹對牠們不離不棄。
眾所周知，傅明憲是愛狗之人，家中養了五頭北京狗，去年更出任愛護動物協會會長，而Gigi生肖也屬狗，與狗果然有緣。今日是年初一，Gigi日前先為五頭愛犬包括比目魚醫生、西蘭花小姐、孟波、惠香及饅頭，穿上極具中國新年氣氛的服飾與主人合照一張「五福臨門」全家福之後，Gigi特別買了一個給狗吃的pizza，將狗餅乾放入夫姓葉家的利是封，探望一群等待領養的小狗，一同分享農曆新年的歡樂氣氛。
學懂忠誠
Gigi表示養狗培養了責任感，她說：「喺外國讀書就開始養，好似變咗一個家長，要照顧佢哋嘅起居飲食，同埋喺狗身上學到至死不渝嘅忠誠。佢哋係好純真，無條件付出，唔講求回報，好似綠茶舊年離開，令我更加珍惜同身邊人相處嘅時間，學到要孝順父母，同埋儲埋每年利是錢做慈善。」
作為五頭愛犬的媽媽，Gigi有她一套教仔經，她說：「我對佢哋定立咗家規，教佢哋要friendly，訓練佢哋接觸陌生人唔可以發嬲。」
尊重生命
Gigi還謂：「今年係狗年，知道好多商品用狗做圖案，吸引好多人養狗，不過希望大家尊重狗嘅生命，同埋對佢哋有承諾，起碼係十幾年嘅責任，養動物要三思而後行，貫徹對佢哋不離不棄。」
採訪：RitaLeung
攝影：ChenWaiOn
