李克勤早前在《勁歌金曲頒獎典禮》上宣布將與女友盧淑儀拉埋天窗，踏入狗年，這位準新郎更搶閘於昨晚開始假紅館舉行八場跨年演唱會，日前他還特意穿上中國服，於紅館門外手執鐵棒龍珠，與數名武師舞龍賀新歲。
OL大解放
克勤說：「冇嘢比萬幾人一齊慶祝咁開心喇啩？過年好嘈，𠵱嘩鬼叫，啲OL平時好靜，過年都要大解放。」
年前克勤與譚詠麟在新春期間舉行「左麟右李演唱會」，兩人孭着大袋落台𢭃利是，滿載而歸，克勤表示：「一場三百封一定走唔甩，專業人士多嗰晚就重手啲，普通階層就輕手啲，人民幣多即係嗰晚有多啲自由行嘅觀眾，重有日本、韓國、台灣唔同嘅紙幣㖭！」假設每場𢭃到三百封利是，保守估計八場個唱起碼勁收二千四百封紅包，認真和味！
問克勤會否在個唱後開始籌備婚禮？他笑咪咪說：「未諗，開完騷後會離開香港休息吓先，唔可以咁草率㗎嘛！」
採訪：朱倬誼 攝影：陳志嵐
髮型：AdolphBow 中國服：裕華國貨 舞龍提供：郭氏功夫金龍醒獅團