唐寧、吳文忻和動作演員伍允龍屬同一經理人公司，三位同門師兄妹今年首度團圓。日前他們先到街市買餸，再到吳文忻家中玩煮飯仔，唐寧巧製甜心湯丸，吳文忻則包辦老火湯及六道靚餸，眾人吃到讚不絕口。
今日年廿九，唐寧、吳文忻和伍允龍日前一同炮製團年飯，三人先到灣仔街市買餸，再往吳文忻香閨玩煮飯仔，雖然唐寧與伍允龍只是廚房新手，但唐寧亦巧製獨沽一味的湯圓，留美多年的竹升仔伍允龍則一邊隊啤、一邊醃製啤酒雞翼。
火候十足
最意想不到的是吳文忻今次大顯身手，獨力炮製私房菜，包括八寶飯、生炒骨、醉雞、清蒸桂花魚、冬菇瑤柱冬瓜粒和西洋菜老火湯，其中的醉雞及老火湯，文忻早一晚已準備，所以醉雞味濃郁，西洋菜湯亦火候十足，令唐寧與伍允龍吃到豎起拇指，大為讚歎。唐寧說：「好好食，好豐富，冇諗過佢會咁叻，碟冬瓜粒至掂，我幾乎一個人食晒，要畀分嘅話，會畀滿分，親自整嘢食嘅心機同誠意已經值晒。」
被迫自學
吳文忻高興地說：「我喺美國讀大學時搬出嚟住，自己唔學煮飯就冇嘢食，而我對煮嘢食幾有興趣，又鍾意食，我為咗呢餐飯，噚晚已經開始整，今日都搞咗三個鐘，但見到佢哋食清晒，好感動！」
採訪：朱倬誼
攝影：陳俊強
