應屆港姐葉翠翠、鄧上文及陸詩韻日前各自偕同父母，相約另外三位得獎港姐林莉、袁彌明及許佩琪一行十多人搶先吃團年飯，迎接入行後首個農曆新年。各人更準備了特色家鄉賀年食品，大夥兒一同分享，喜氣洋洋！
每年選美總會傳出佳麗不和的消息，不過六位應屆港姐由參選至今一直互相扶持，情同姊妹，就連她們的父母亦因此而認識，成為好友。
分享家鄉菜
日前港姐冠軍葉翠翠、亞軍陸詩韻及最上鏡小姐鄧上文，各自陪同父母，相約季軍林莉、國際親善小姐許佩琪及旅遊大使袁彌明，一行十多人相約吃團年飯，迎接丙戌年的來臨，席間眾星爸星媽更齊派壓歲錢，還準備了特色家鄉賀年食品，一同品嘗。
葉翠翠的父母帶來了自製的上海糯米丸子，味道一流，葉爸爸說：「糯米丸子係上海家鄉食品，主要材料有糯米、豬肉、馬蹄同葱，不過最緊要趁熱食，凍咗啲糯米就會變硬。」
輪流做司機
葉翠翠爸爸擔任消防教官，陸詩韻的父親是製衣商人，而鄧上文爸爸鄧英敏以前是當紅司儀，三人來自不同背景，甫見面即有說不完的話題，鄧英敏說：「我哋嘅囡囡參加選美嗰陣，我哋幾個廿四孝爸爸成日做司機，咁咪識晒囉！」陸爸爸則說：「我同敏哥（鄧英敏）住得近啲，個女參選嗰陣我哋有時會輪流做司機，連一班爸爸都有並肩作戰嘅感覺。」
至於葉爸爸則謂：「翠翠係孻女，見佢參選港姐除咗要付出體力，亦要面對好多壓力，做爸爸嘅都要畀啲支持，我就選擇咗同佢一齊面對。」葉媽媽笑言女兒參選後，一家三口合共瘦了四十磅，她說：「翠翠瘦咗十幾磅，爸爸都瘦咗十幾磅，我最冇用㗎喇，淨係瘦咗幾磅，唔知係咪我付出唔夠呢！」
採訪：卓美娟
攝影：葉君海
