丹麥寧休操予球員休息

年初一與港隊爭出線嘅丹麥，噚日臨時取消黃昏嘅操練，原因係球隊星期四晚啱啱同新加坡打咗場硬仗，教練希望畀球員多啲時間休息。丹麥贏新加坡二比一嘅賽事，兩個入球都係嚟自馬模嘅中場比治，而後衞蘇連臣比賽中段虛脫，所以要延遲一日先飛嚟香港滙合大軍。