【本報訊】一連4天新春假期並未刺激屋苑睇樓量，不少準買家因四出拜年，押後睇樓活動。利嘉閣地產研究部指出，春節假期全港50個指標屋苑，只有1758組客戶預約睇樓，較上周少23.1%，但該行紅磡黃埔區域經理林穗華指出，不少買家只是將睇樓活動押後至下周末，加上部份新盤貨尾將於新春後重推，將刺激買家睇樓及入市意欲，相信下周末將回升至1900組水平。
中原統計的10大屋苑，僅得880組客預約睇樓，勁跌42.5%。睇樓量最多為沙田第一城及荔枝角美孚新邨，各佔80組；鴨脷洲海怡半島僅30組，跌幅最大達62.5%。
暫押後料新春回升
美聯物業統計顯示，睇樓客集中在大除夕及年初三，佔整體睇樓量約八成。該行太古城天山閣分行高級營業經理許昭儀表示，受西灣河嘉亨灣入伙帶動，太古城4天假期暫錄得180組預約睇樓。