八方有個老友係迪士尼迷，事無大小嘅迪士尼新聞都走唔過佢對眼，佢噚日喺報章上見到大大隻史迪仔出現喺招聘廣告，原來迪士尼將會喺二月二十六號舉行史迪仔配音員嘅面試活動。
廣告話要求配音員扮演《扮嘢小魔星》內嘅外星人史迪仔聲線，即場與觀眾對答。
八方曾經喺美國睇過一套名為《Stitch'sGreatEscape》（中譯《史迪仔大逃亡》）嘅表演。呢個表演同香港嘅《米奇幻想曲》類似，觀眾喺劇場睇表演嘅時候，一樣感受到色香味及上山下海嘅經歷，座椅旁嘅喇叭令你覺得史迪仔逃亡到你周圍，並噴出陣陣怪味。
唔知道香港市民係咪有機會睇呢個騷呢？迪士尼方面好鬼密實，半句口風都唔透露，不過話稍後會同大家交代迪士尼嘅發展大計。
傳真︰2623-9278
電郵︰[email protected]