南韓最大嘅零售業集團樂天購物集團（Lotte）計劃下個月喺倫敦上市（圖：路透社），籌集約二百七十四億港元。聽講，佢將成為南韓八年以來最大規模嘅集資活動。樂天係目前南韓最大嘅連鎖百貨，佢佔咗南韓零售市場份額嘅四成，現代百貨集團則佔另外嘅兩成，餘下為新世界（Shinsegae）超市集團佔據。由於南韓嘅消費強勁，加上零售股並不多，聽講樂天嘅售股計劃受到投資者嘅歡迎。