去年人氣熱爆的阿旺郭晉安和阿好湯盈盈，趁今日年廿九盡顯真功夫，將拿手伎倆大玩crossover，先由阿好助阿旺炮製糖不甩，再由阿旺幫她洗大餅，兩人邊做邊唱《最佳拍檔》，令廚房充滿笑聲。
今日是萬家團圓的年廿九，人氣急升的阿旺郭晉安和阿好湯盈盈，日前齊於菜館內各展所長，炮製巧手好旺糖不甩慶團年。
變身下廚
在早前播映的《阿旺新傳》劇中，阿旺為博老婆仔一笑而精研芒果湯圓，至於糖水店洗碗女工的阿好，除了洗大餅快夾醒外，就最喜歡依起棚牙唱K，這次兩人雙劍合璧，一同搓糯米粉、包芝麻、煮小丸子及撒花生碎，炮製他們創作的好旺糖不甩，其間阿好更歌癮大發，邊做邊唱《最佳拍檔》，連阿旺亦跟着唱起來，相當搞笑。
阿旺和阿好互餵甜蜜蜜糖不甩，食飽後亦十分好手尾，連忙變身，戴上圍裙及膠手套，移師到廚房一齊洗碗，認真合作無間。
紅館賀歲
明日將踏入狗年，阿旺已急不及待恭祝讀者：「狗年長長久久、狗馬亨通。」狗年是難得雙春兼閏月的好時年，問阿旺會否考慮與女友歐倩怡拉埋天窗？他說：「睇時間啦，一路都有啲工作上嘅嘢傾緊，自從《阿旺》播出後工作密咗好多，結婚又唔可以太草率，有時間先諗啦，唔知幾時，可能有少少即興㗎。」而他由今晚起將為李克勤演唱會擔任嘉賓，所以新年間忙個不停，但初一至初四的白天時間，則會留給家人與女友，與他們一起度歲。
此外，湯盈盈昨日在將軍澳電視城時，表示明日年初一會出席公司團拜活動，之後會應汪明荃邀請到其家午膳，令她感到非常榮幸。
問到湯盈盈今年可會與圈外大嚿男友拉埋天窗派利是時，她說：「唔諗住，我未夠成熟，雖然身邊有好朋友結婚、生baby，但feel到未係我，順其自然啦！不過呢個問題好多人問過我，有朋友話我今年夠旺，雖然未結婚都可以派利是，呢啲嘢我唔識㗎，唔知趕唔趕得切去銀行換錢呢！」
採訪：朱倬誼
攝影：林德雄
湯盈盈髮型：FrancoNg@Privatei（IFC）
中國服：裕華國貨
場地：雲陽閣川菜館
