楊愛瑾（Miki）早前同屋企人夾錢，喺灣仔三里屯開咗間西班牙餐廳RicoDistro。呢間餐廳是非就真係多喇，前排世貿期間要拉閘避鋒頭，早前重有雜誌話餐廳拍烏蠅㖭。
推搪唔發支票
點知噚日又有個讀者陳生打電話嚟報館爆料，話計埋佢自己在內，有三個餐廳職員喺今個月十四號被解僱，不過到噚日為止都未收到應得嘅薪水，過晒勞工處七日之內要出糧嘅規定。
呢位陳生重話餐廳生意一直都OK，諗住二十一號實出到糧有錢過年，點知搞到𠵱家都冇聲冇氣。佢亦表示一直有追Miki嘅阿哥Alan，同埋負責簽發支票嘅Bowie，不過佢哋兩個就一直耍太極。
Miki噚日透露金牌經理人公司陳小姐回覆，佢其實唔係好了解件事，要打電話問家人，之後佢覆番馮仁昭就話事件尚在了解中，因為涉及公司內部好複雜嘅問題，𠵱家正努力解決緊，Miki話都唔想有人唔開心，所以都希望盡快解決。