重有幾日就踏入狗年，金融界人人都變身做財神，向讀者拜年，連金管局總裁任志剛（圖）都詩興大發，噚日喺佢個專欄觀點，整咗首七言打油詩，期盼本港經濟大展鴻圖，首詩每句第一個字串起嚟，正好是「金管局祝新年快樂」，句末又押晒韻，估唔到平日噏番文了得的任總，中文都幾掂。 一向鍾意出口術兼漏半嘴的任總，話唔定喺詩中暗藏玄機，任總近年成日講中港資金融通，佢首打油詩都不忘融通，華華且將全詩轉載，讀者或可像古人閱推背圖，破卦解象。