周慧敏、徐子淇、楊崢及葉童夫婦等，前晚盛裝出席名牌LouisVuitton慶祝尖沙嘴半島概念店開幕酒會。周慧敏除了獲LV贊助○六春裝外，到場後更獲大會貴賓式款待。
緊張拒合照
徐子淇到場後，得知周慧敏亦是嘉賓之一，即大表雀躍，她說：「嘩，佢係第一代玉女，好靚，靚到好似公仔咁！我未移民澳洲之前好鍾意佢，五歲開始就抽佢嘅閃卡，呃咗我唔少零用錢呀！」她更大讚周慧敏的玉女地位無可取代，還說：「佢係完美㗎！冇人可以代替到佢。」記者提議兩人合照留念，徐子淇卻耍手擰頭，以太緊張為由拒絕。
狗年將至，問徐子淇會否到男友李家誠家中拜年？她說：「未知，不過佢都有送年糕畀我媽咪，我自己就唔識呢啲嘢，所以冇送。」至於何時結婚派利是，她就說：「我一向有派畀工作人員，收利是最開心，我每年收埋就會捐出嚟做善事。」
採訪：梁錦雯 攝影：何國豪
