任總出賀詞，恒生大班柯清輝亦唔執輸，除咗派利是封同財神年畫，重喺上海浦東國際機場入境長廊，貼咗幾張賀年海報。 其中一張海報係用「聯癡」楊瑞生嘅對聯「恒譽悠長上客多堅信，生機勃發海商樂讚揚」，嵌「恒生」同「上海」四字，可見銀行都係要放眼神州。 柯大俠又好有心，唔單止祝願香港經濟更添動力，各行各業齊興旺，亦特別祝蘋果讀者身壯力健，心想事成喎。