上星期開始收樓嘅西灣河嘉亨灣，炒家已經無時間去搵買家接貨，𠵱家只有兩條路，一係完成交易，一係撻定，有能力上會嘅，點都捱埋落去，所以今個月暫時成交咗嘅三十宗裏面，只有十三宗係蝕讓，佔整體四成三，最高蝕百分之十三點五。 中原梁啓明講，去年十一及十二月，嘉亨灣比較多蝕讓，分別佔七成半及八成，而最高蝕幅則係一成半同一成。個盤𠵱家有六百個放盤。 梁氏又話，嘉亨灣相連單位受歡迎，今個月嘅成交，有五宗係呢類單位。