懲教署噚日舉辦「人生交叉點青少年座談會薪傳社區計劃」啟動儀式，十二個非政府團體同懲教署合作，以後喺社區搞多啲座談會，防止青少年犯罪。
青年事務會委員會主席蔡元雲喺典禮致辭時，自爆讀小五時曾經偷書。有一次老師借書畀全班同學睇，收返時點唔齊，話要搜同學嘅書包，蔡醫蠱蠱惑惑咁舉手話：「老師，阿媽嚟咗接我放學，可唔可以走先？」老師不虞有詐，就咁放佢走。
第二日，老師問蔡醫係咪唔記得還書，蔡醫於是答「係我唔覺意攞走咗六本書返屋企」。後來老師話畀次機會佢，淨係記佢一個缺點。
蔡醫話如果嗰陣冇俾老師發現，佢可能會變本加厲，再偷其他嘢，「大個可能要彭署長（懲教署署長彭詢元）打救打救！」
傳真︰2623-9278
電郵︰[email protected]