吳卓羲和官恩娜這對緋聞情侶，前晚與Twins、關智斌、何韻詩和黃耀明等到將軍澳錄影《勁歌金曲》。二人雖錄影不同集數，但亦有機會碰頭，不過他們刻意迴避對方，每當吳卓羲入廠，官恩娜才在化妝間出現，至吳卓羲返化妝間，官恩娜就失蹤，事後她聲稱去了廁所。
搵靚女友
吳卓羲一聽官恩娜名字就厭煩，他說：「好out呀，我想搵新女友，唔好再提佢啦，我好渴望女人㗎，講過第二個啦。」吳卓羲表示要找個心地好又靚女的女友，他說：「女友靚，帶出街都自豪啲，真係失禮，我以前全部都唔靚㗎。」
官恩娜得悉被指out，也不客氣地說：「佢竟然咁講？大家咁話啦，佢緋聞又唔止我一個，大家撞唔撞到要講緣份。」
採訪：王崇穎 攝影：何國豪