嘉亨灣事件咁受關注，房屋署前署長CM梁展文有冇違反指引做嘢，對市民嚟講好重要，因為一個官係咁，兩個官又係咁，啲公帑就會好似爆水管咁漏晒去。早前有多份報紙引述消息，話CM梁會揹鑊云云。查實呢啲消息不時都有，都唔係好值得大驚小怪，但帳委會就梗係要做吓嘢，喊驚咁聲捉鬼，證明佢哋冇人爆料。
噚日開會時，主席黃中指就向所有委員發信，要求簽名作實冇披露任何內容，非常認真咁款。雖然未知有冇人會招供，但八方就覺得，除咗CM梁之外，唔會有太多人緊張邊個放風，而CM梁喺官場打滾咁耐，都冇理由唔習慣消息滿天飛啦，佢應該都明白事理嘅。
下個月十五號要昅實立法會大會，因為帳委會嗰日會提交報告，結果到時自有分曉。
傳真︰2623-9278
電郵︰[email protected]