田蕊妮、趙學而、關錦鵬及組合草蜢等前晚在中環喜喜出席化妝品牌COVERMARK慶祝四十周年活動，田蕊妮表示情人節將隨老公杜汶澤參加柏林影展，並準備盛裝赴會，田蕊妮笑說：「到時點都會裝『胸』作勢！」問她會否在當地造人？田蕊妮說：「到時睇心情啦！我哋原本計劃喺兩年後生個鼠BB，重要係天秤座，因為阿澤屬鼠，我係天秤座。」
另外，關錦鵬表示有跟鄭秀文（Sammi）傳短訊，農曆新年後會找對方吃飯，關錦鵬說：「不過同Sammi食飯都幾折磨佢㗎，我哋大大啖，佢只食少少。近期我都有睇過Sammi寫嘅專欄，覺得佢啲文章寫得好好，畫畫都從容咗，我一早就話行得過《長恨歌》呢關，得多過失。」
採訪：卓寶花 攝影：陳俊強