去年樓市表現反覆，地產代理要有錢賺，確實要經營有道。美聯集團日前嘅周年晚宴，筵開近一百九十圍，請來眾多發展商同嘉賓支持，場面盛大，主席黃建業更頒發被喻為對公司最大貢獻獎項，就係「集團盈利大獎」同埋「盈利貢獻最高大獎」。
兩個獎項，皆由九龍區包辦，相信同去年唔少新盤，例如尖沙嘴凱旋門同長沙灣碧海藍天等開賣有關，個獎咁有意義，董事羅國安出場攞獎時，用煙花襯托，唔識佢嘅，仲以為佢係某名星出場攞獎。
迎接狗年樓市來臨，美聯仲製作咗電子賀年手機短訊，用生動畫面，同埋樓市復始、萬利蓬生為題，用短訊方式傳遍開去。