農曆年細路仔最開心，因為有利是𢭃，而銀行當然唔會錯過機會，佢哋農曆年雖然休息，但宣傳推廣就做到足，好似大新銀行，佢哋就打細路仔利是錢嘅主意，趁機推廣兒童戶口，出動埋芝麻街卡通人物，印咗喺本存摺簿上，好鬼得意，另外有張存款卡（相），上面印埋小朋友張相，張卡話明存款就唔可以攞錢。如果儲錢入去戶口又送多張獎狀，２月底前開戶，再送多個背囊，唔知啲細佬仔落唔落叠呢？