曾當護士的楊千嬅，最近與谷祖琳及鄔玉君合作拍攝電影《天生一對》時，不忘教她們如何自我檢查胸部，但戲中兩位好姊妹卻為爭男友而幾乎反面，千嬅調停時先後按二人的頭落水，十足烈女。
由杜琪峯監製、羅永昌執導、楊千嬅、任賢齊、谷祖琳與內地演員鄔玉君主演的電影《天生一對》（前名哀悼乳房），於三月初上映，該片講述一位女性如何以積極態度去對抗乳癌。拍攝期間，曾當護士的千嬅經常與女演員傾談婦女問題，亦有教谷祖琳及鄔玉君如何自我檢查胸部。
泳衣打底
千嬅、谷祖琳及鄔玉君早前拍攝一場做Spa的戲份，千嬅說：「呢場戲係講我同兩個好朋友去做Spa，當我發現兩個好友為爭男朋友而幾乎反面，就出面調停，講到激氣時，我重質佢哋兩個人嘅頭落水，谷祖琳同鄔玉君都俾水嗆親，拍完我都覺得唔好意思。」
這幕千嬅亦要浸浴，問她拍攝時是否真空上陣？她笑說：「梗係冇啦！拍之前我係先着住件泳衣打底，天氣咁凍，雖然話係浸熱水，但一拍就幾個鐘，熱水都變凍水，所以着住件有保暖作用嘅泳衣就冇咁容易傷風。拍完呢場戲，喺離開個浴缸時，成身皺晒皮，如果再拍多兩個鐘，我啲皮膚就有排傷。」
採訪：蔡丹
