【本報訊】不少性暴力受害人會出現劫後餘生症，亟需援助，但政府卻堅拒向為性暴力受害人提供一站式服務的風雨蘭提供每年二百二十萬元資助。醫護界多年來看着不少受害人在風雨蘭協助下重過新生，決定於三月十九日舉辦「醫護界山頂行」，為風雨蘭籌募經費。
受害人易有抑鬱症狀
精神科醫生陳仲謀昨在記者會上指，性暴力受害人不少會出現劫後餘生症，有抑鬱及焦慮等症狀，與異性交往出現障礙，「好似有個個案，十幾年前俾阿哥強姦，佢之後好好彩，做到嘢結到婚，但結婚幾年以嚟都唔畀個老公掂佢，佢丈夫亦都好辛苦，搞到幾乎離婚咁滯。」他說，不少受害人出現性冷感，甚至不能繼續工作，「希望政府唔好諗縮數，啲受害人做唔到嘢，都係社會成本嚟嘅。」
醫生視風雨蘭為夥伴
香港醫學會會長蔡堅也指出，過去有病人遭親人性侵犯，「佢當初嚟見我嘅時候係有啲抑鬱症，好灰暗，轉介咗去風雨蘭，事後開朗咗，好番好多，風雨蘭咁多年有好好嘅紀錄，同醫生亦建立咗默契，佢哋嘅服務好重要。」發起籌款的郭家麒補充，不少急症室醫生均視風雨蘭為夥伴，難以找到替代。
風雨蘭機構早前獲公益金緊急撥款支持今年首半年經費，並從各界籌得約四十五萬元款項，有意捐助的市民可致電該機構查詢，電話：25371379。