今年唔少行業都有人工加，有個從事貿易生意嘅老闆，加薪畀員工之餘，都換樓獎勵自己。睇樓兩個月，終於扑槌買番住開個屋苑青衣灝景灣。 利嘉閣灝景灣分行經理趙敏健話，買家本身住緊六百幾呎單位，見經濟好轉，入市信心大增，以三百八十八萬買入一座中層過千呎單位，呎價唔使三千九，比市價低五個巴仙。趙敏健重話，灝景灣今個月有十一宗成交，超過一半係八百呎以上大單位，證明近排入市嘅買家以換樓客為主。