專家客觀分析，都話過年後樓市一定升，唔多唔少推動咗一班自比春江鴨嘅買家趕入市，同時亦益咗放盤業主，隨便反吓價，都有人肯接手，一於賺到盡。中原徐禮訓報料，觀塘麗港城五座，一個八百五十七呎單位，原業主○二年二百二十幾萬買入，本來傾好二百八十五萬賣畀個新界區換樓客，點知業主臨場反價五萬，難得買家又肯追價，二百九十萬都照扑槌，業主賺咗接近七十萬，約三成。