張家輝和關詠荷的囡囡前日出世，為見證愛女出生這個重要時刻，張家輝當日在產房更親手剪斷連繫着妻女的臍帶。張家輝表示囡囡臉部上半截似關詠荷，下半截像他，稍後更會親自為囡囡改個好名。
張家輝與關詠荷的首個愛情結晶品於前日出世，關詠荷在丈夫陪伴下進入浸會醫院，剖腹誕下七磅多重的女嬰。
首次榮陞父母的張家輝和關詠荷都顯得很緊張，但為賺取奶粉錢，當愛女出世後，張家輝即趕到深圳出席一個聯歡晚會做嘉賓，然後凌晨時分再趕回醫院，爭取時間陪伴妻女。
半麻醉開刀
張家輝現尚未為女兒改名，他表示要看真囡囡的樣子後，才決定改一個既適合又襯她的名字。問張家輝覺得女兒長相像誰時，他笑說：「我唔係咁識睇，但屋企人話囡囡個樣上半截似媽咪，下半截就似我，咁都唔錯吖！」
回想愛妻的生產過程，張家輝表示關詠荷在本周二凌晨時分作動，於是即陪她進入醫院待產，張家輝興奮地說：「我一直都喺產房陪住佢，佢只係半身麻醉然後開刀，母女都平安，睇住佢生BB嘅過程，原來真係好奇妙，其實喺BB重未出世嘅時候，我嘅心情一直都冇好大嘅起伏，但當BB出世嗰一刻，我竟然流出眼淚，嗰種感覺真係好難形容，真係好感動。」
剪臍帶手震
張家輝當日進產房，他還要求醫生讓自己為愛女剪臍帶，張家輝說：「嗰一刻我心跳得好快，揸住鉸剪時都有啲手震，因為我好驚血，但我都係覺得好值得，因為呢個係我同太太嘅囡囡，我一定要親手幫佢剪臍帶。」
此外，張家輝近日忙於拍攝杜琪峰的新片《放．逐》，幸好近日休息，待新年後才復工，所以正好利用這段時間照顧妻女。張家輝表示曾跟戲中老婆何超儀暢談BB經，他更鼓勵對方努力造人。
撰文：比華利
