《信報》噚日有好消息，唔係賣得成，只係宣布出雙糧啫。凡做滿一年的員工可獲一個月額外年終酬金，至於未夠一年者（採訪部有好多），只要過咗試用期，亦有半個月。即使未過試用期的新入職員工，都有利是一封。呢次係繼03年7月以來，《信報》第一次出雙糧，當年《信報》30周年報慶，凡做滿三年的員工獲分發一個月年終酬金，當時好多人有。除咗出雙糧，《信報》重宣布加薪喜訊，雖然加幅輕微，都係開心消息。
講番放盤，華華聽講喺林生林太（圖）叫停之後，小小超亦暫時唔提住。一來係炒得太熱，二來係價錢難傾。曹仁超話個deal兩億至兩億五；對佢嚟講，73年投資10萬銀，如果賣2億自己嗰五個巴仙收1000萬。但大教授就話值6億，如果呢個係林家嘅叫價，咁都幾難傾。至於公開否認有意染指嘅周小姐，真係冇傾過？華華就唔係好信。