曾經係「德隆系金融帝國」標誌嘅德隆大廈，噚日以五億九千五百萬（人民幣．下同）高價易主，創下上海單體拍賣最高紀錄。據悉，買家係上海國際集團旗下嘅上投實業公司。德隆大廈易主，意味着德隆金融帝國正式瓦解。德隆大廈涉及嘅案件係建國以來最大嘅金融證券案件。
德隆曾經係內地著名的民企，公司創辦人之一唐萬里至今擔任全國工商聯副主席。但係佢細佬唐萬新因涉嫌經濟犯罪，去年被扣查。武漢近日審理德隆一案，控告德隆旗下三家企業、總裁唐萬新及其手下六名高層，分別因涉嫌非法吸收公眾存款四百五十億元（人民幣．下同），操縱證券交易價格非法獲利九十八億元等罪行。德隆系旗下上市公司的股價曾經多年居於高位，結果導致了資產流動性出現問題，最終出現爆煲事件。