自從落馬洲有24小時通關及轉乘巴士直接過關後，愈來愈多人駕車停在關閘再轉巴士北上，不要以為落馬洲停車場如爛地一樣，這些停車場除了低消費，有些保安比市區停車場更好，重加埋一腳踢洗車等服務。
記者：袁國基
攝影：陳偉強
ImageGirl：Jessica、Nicky（TheGroup）
全場錄影防偷車富泰（a）
老實講，響新界泊車，最怕是偷車黨，所以第一個推介是有24小時防盜錄影的停車場，就算泊車數日，也份外安心。車場在青山公路旁，有小路直到黃巴士站，步行約需7分鐘。
車場十分新淨，設有約200個車位，車位寬敞，大如越野車及七人車也可輕鬆泊下，而路面以水泥鋪設，更有數十個有蓋車位，錫車人必選。
有利位置：★★☆☆☆
收費：★★★★★
賣點：價錢唔貴，全場有防盜錄影
收費：1-7小時$5，7-14小時$40，14-24小時$50
＄45泊全日勁平港捷（b）
呢個場日泊好平，全日$45，但唔代表要行好遠，佢位於巴士站的斜對面，行去巴士站約3分鐘。另外，車場地面鋪得很靚，車身低矮的跑車亦可入到場內。進入車場要經過一個私人貨場，在外看不到場內的情況，因此把車泊在這個車場再北上，偷車賊唔會見到架車。
有利位置：★★★★☆
收費：★★★★☆
賣點：地面靚，跑車都泊得，全日泊最平，距離巴士站約3分鐘路程。
收費詳情：時租$7，12小時$35，24小時$45
洗埋車方便順利達（c）
泊咗幾日，一定成車泥塵，這個場有汽車美容，洗車最平$38，洗車吸塵$58。停車場有超過300部車，位於巴士站前方，行過一條馬路便是巴士站，對手持大袋細袋物件的車主十分吸引，車場的收費也相對比較貴。
有利位置：★★★★★
收費：★☆☆☆☆
賣點：汽車美容，停車場對面是巴士站，又近又熱鬧。
收費詳情：時租$10，12小時$70，24小時$100（每過1小時$8）
不設時租一定有位廖叔A場（d）B場（e）
咁多人響皇崗泊車，有時候都會滿座。廖叔B場不設時租，只有12小時及24小時停泊，一定有位。B場設在落馬洲路旁，步行至車站需時8分鐘，收費比A場平啲。而A場則有時租，在青山公路旁，對面是黃巴車站，步行只需3分鐘，可停泊約200部車。
A場
有利位置：★★★★☆
收費：★★★★☆
賣點：不設時租，容易搵位、距離巴士站約3分鐘路程。
收費詳情：時租$6，12小時$40，24小時$60（每過1小時$5）
B場
有利位置：★★☆☆☆
收費：★★★★★
收費詳情：12小時$35，24小時$45（每過1小時$5）
落馬洲泊車要點：
長時間泊車
防盜要緊
落馬洲泊車過關，多是停數小時至數日不等，加上落馬洲也算是偏僻的地方，因此車主要有適量的防盜，以起阻嚇之效。
救車用具Standby
泊車日子長，最常見是車胎漏氣、電池無電，又或者水箱漏晒水。無水可以加，無電或車胎無氣煩好多，有見及此，最好有多用途可攜式充電器及電動泵氣機，平日放在車上可能無用，但救急時就大派用場。
台日汽車精品
電話：23924244
上水泊車北上方便約人
車主除了可在落馬洲泊車再北上外，亦可以把車泊在上水火車站旁的停車場，然後搭火車到羅湖過關。彩園路有個停車場可停約200架車，把車泊在這裏有一個優點，就是上水火車站較落馬洲旺，相約沒有車的朋友這裏等待會較為方便。這個停車場的收費為１小時$8，星期一至五停泊24小時$80，星期六、日及公眾假期停泊24小時$100。
